САД и Јапонија решија да продолжат со притисоците врз Северна Кореја

Претседателот на САД, Доналд Трамп и јапонскиот премиер Шинзо Абе денеска во телефонски разговор се договриле да продолжат со вршење притисок врз Северна Кореја, по нејзината серија ракетни тестови и закани со нуклеарни проби, соопшти претставник на Владата во Токио.

Северна Кореја тестираше ракети кои прелетаа преку Јапонија, што предизвика загриженост во регионот и размена на закани меѓу Вашингтон и Пјонгјанг. По ракетните проби, САД издејствуваа засилување на економските санкции врз Северна Кореја.

За време на телефонскиот разговор, премиерот Абе му изразил сочуство на Трамп за трагичниот напад во Лас Вегас во кој беа убиени 59 лица.

Трамп ќе ги посети Јапонија и Јужна Кореја, како и Виетнам и Филипините во текот на ноември.