САД: 16 сојузни држави го тужат Трамп поради вонредната состојба
Шеснаесет американски сојузни држави, предводени од Калифорнија, ја тужат администрацијата на претседателот на САД, Доналд Трамп поради одлуката да прогласи вонреднa состојба, со цел да се обезбедат средства за изградба на ѕид долж американско-мексиканската граница.
Тужбата, поднесена во Окружниот суд во северниот дел на Калифорнија, доаѓа само неколку дена откако Трамп во петокот повика на вонредни овластувања, откако Конгресот претходно одби да го прифати неговото барање за исплата на 5,7 милијарди долари за изградба на ѕидот, што беше негово ветување во текот на претседателската кампања во 2016 година.
-Денеска, на Денот на претседателот, го тужиме претседателот Трамп пред судот, за да ја прекине злоупотребата на претседателските овластувања, се вели во соопштението на државниот обвинител Калифорнија Гзавије Бесере.
– Го тужиме претседателот Трамп за да го спречиме самостојно да ги ограби средствата на даночните обврзници, кои Конгресот законски ги издвои за луѓето од нашата земја. За повеќето од нас, Кабинетот на претседателот не е место за театар, додаде државниот обвинител од редовите на демократите.
Три земјопоседници од Тексас и една еколошка група во петокот први поднесоа тужба против неодамнешната одлука на Трамп, наведувајќи дека со неа се крши Уставот и дека го загрозува нивното право на сопственост.
Ново на Сител
-
Украинските војници не сметаат дека наскоро ќе има крај на војната
-
Полицаец се самозастрела во Скопје
-
47-годишен турчин измамен во Штип за сума од 3.550 евра
-
Минчев: Меџити да не се однесува како Алиса во Земјата на чудата
-
Извори од Ватикан: Денес или утре ќе се знае како папата Франциск реагира на новата терапија
-
Обвинетите имале неуспешен прв обид три дена пред грабнувањето на Вања
-
Во сабота сончево, но студено, во недела пораст на температурите, а од понеделник повремено дожд и снег
-
Мерц е шокиран од Трамп и Путин