Руско МНР: Лавров никогаш не зборувал за поделба на Македонија
Министерството за надворешни работи на Русија го оцени како „чиста провокација“ написот објавен од македонската редакција на Дојче веле, во кој, како што се наведува, бил направен обид на шефот на руската дипломатија Сергеј Лавров да му се припише идејата за поделба на Македонија. Целта на написот, според официјална Москва, била „да се подгреат тензиите во Македонија“.
- Лавров никогаш не давал изјави со таква или слична содржина, туку напротив отсекогаш осудувал какви било слични наводи, се вели во реакцијата од руското МНР.
Идејата за поделба на Македонија, се посочува во соопштението, дојде од страна на американскиот конгреснмен Дејна Рорабахер.
- Очигледно е дека таа измислица е направена со провокативна цел за да се извалка имиџот на Русија на Балканот, но и да ги подгрее тензиите во Македонија, истакнува руското МНР.
Покрај тоа, се нагласува и дека администрациите на САД и на ЕУ, со користење на деструктивни методи како „шарени револуции“ и обидите да се воспостави владеење кое не е во согласност со јавното мислење, директно се мешаат во внатрешните работи на Македонија.
- Уверени сме дека таквите потези ќе доведат до поткопување на суверенитетот и територијалниот интегритет на Македонија, предупредува во реакцијата Министерството за надворешни работи на Руската Федерација.
Ново на Сител
-
Тројца починати од паднато дрво во бурата во Мичиген, стотици илјади домаќинства останаа без струја
-
САД ја олеснуваат бирократијата за инвеститорите со нов указ на Трамп
-
Законски измени за забрана за употреба на пиротехнички средства во затворен простор
-
Марин Ле Пен: Нема да се кандидирам во 2027, но ќе продолжам со борбата
-
Облачно со повремен дожд и слаб ветер
-
Белата куќа: Секоја земја која неправедно постапува кон САД ќе биде цел на дополнителни царини
-
Иванова второпласирана на велосипедскиот маратонот во Камбрилс
-
Од 14 април почнува заедничката гранична контрола на граничен премин Долно Блаце-Елез Хан