Руската рубља вратена на официјалната курсна листа на Народна банка

Македонија се подготвува за евентуално тргување со гасот во рубли. По речиси два месеци, руската рубља е вратена на курсната листа на Народна банка. Со ова се овозможуваат официјалните трансакции во руската рубља, што е особено значајно ако се земе предвид дека е се поголем притисокот од страна на Русија за плаќање на гасот во рубли. Сега 1 рубља се менува за 0,7866 денари и е поскапа од претходно.

Како што велат од Народната банка, претходно рубљата ја немаше на курсната листа затоа што Европската централна банка на 2 март годинава соопшти дека не е во позиција да го објавува референтниот девизен курс на руската рубља во однос на еврото поради тековно недоволниот обем на тргување.