Русите и денеска се собираат на гробот на Навални
Независните руски медиуми јавуваат дека полицијата дозволува пристап до гробот и ставање цвеќе. Снимката од гробот покажува море од цвеќиња и венци, руски православен крст и фотографија од насмеаниот Навални.
Властите тврдат дека тој починал од природна смрт на 16 февруари во затвор во арктичкиот регион Јамал, но сè уште не се познати околностите за неговата смрт. По вчерашниот погреб, неговиот тим уште еднаш нагласи дека опозицијата, побегната во странство, ќе ја продолжи борбата против корупцијата на руските власти и политичкиот апарат на претседателот Владимир Путин.
Наследството на Навални ќе остане живо „сѐ додека има милиони луѓе во Русија и во светот кои не се рамнодушни кон него. Затоа не смееме да се откажеме“, велат тие. На денот на погребот се одржаа настани низ целата земја, со десетици апсења. Платформата OVD-Info утринава објави дека имало повеќе од стотина апсења во дваесет градови, меѓу кои 20 само во Новосибирск.
Вчера илјадници луѓе се собраа на погребот во Москва. Многумина од нив извикуваа „Путин е убиец!“ и „Русија без Путин“. Роднини, поддржувачи и активисти за човекови права го обвинуваат Путин дека го убил својот политички противник во затвор. Навални веќе бил ослабен поради претходното труење, а властите тврдат дека колабирал во затворскиот двор и дека обидите да го оживеат не успеале.
Кремљ ја отфрла одговорноста за неговата смрт, пред изборите што ќе се одржат од 15 до 17 март, на кои се очекува Путин да го добие петтиот мандат на чело на Русија.
Ново на Сител
-
Барањето за 450 евра минималец на првата седница на економско-социјалниот совет
-
Приватните превозници ќе возат до 11 часот, додека ЈСП им префрли пари за гориво
-
Преглед на вестите од светот
-
Приватните превозници ги паркираа автобусите
-
Мицкоски во посета на Гевгелија
-
Сиљановска во посета на ГШ на Армијата
-
Управниот суд ја одби тужбата на Јолевски
-
Дурмиши: Ќе работат за добра бизнис клима