Свет
18. јуни 2017 - 15:17

Русија жали поради одлуката на САД, искажува солидарност со Куба

Руското Министерство за надворешни работи соопшти денеска дека Москва жали поради „антикубанските“ акции на Вашингтон, како и дека Русија ја потврдува својата солидарност со Хавана. 

Министерството исто така наведе дека новиот пристап кон Кина на американската администрација потсетува на „реториката од времето на Студената војна“.

Американскиот претседател Доналд Трамп изјави во петокот дека повторно ќе врати дел од рестрикциите кон Куба, кои ги ублажи неговиот претходник Барак Обама. 

Рестрикциите се однесуваат на регулативи во области на трговијата и патувањата.