Русија соопшти дека ноќеска соборила 65 украински дронови

Руската противвоздушна одбрана ноќеска пресретнала и уништила 65 украински дронови над региони на Русија, соопшти руското Министерство за одбрана.

– Ноќеска дежурните средства за противвоздушна одбрана пресретнаа и уништија 65 украински беспилотни летала од авионски тип: 18 над територијата на Воронешката област, 16 над територијата на Рјазанската област, 14 над територијата на Белгородската област, 7 над територијата на Тулската област, 4 над територијата на Брјанската област, 3 над територијата на Липецката област, 2 над територијата на Тамбовската област, се вели во соопштението на руското Министерство.

Исто така, се соопштува и за еден соборен дрон над украинскиот Кримски Полуостров, кој Русија го анектираше во 2014 година.

МИА