Русија подготвена да помогне за разговорите меѓу САД и талибанците

Москва ќе вложи напори да помогне за продолжување на разговорите меѓу САД и талибанското радикално движење што е можно поскоро, изјави специјалниот пратеник на претседателот на Русија во Авганистан Замир Кабулов.

Одговарајќи на прашањето за можна временска рамка за почеток на вакви преговори, рускиот дипломат истакна дека сè уште нема договор за времето и датумот.

– Постои желба да продолжат преговорите. Ние ќе работиме заедно за да се осигураме дека тоа ќе се случи што е можно поскоро, рече Кабулов, пренесува ТАСС.

Рускиот дипломат, исто така, потврди дека се сретнал со американскиот специјален претставник за Авганистан, Залмај Калилзад, на маргините на Генералното собрание на ОН во Њујорк.