Русија им порача на Британците: Уште 50 дипломати испратени дома
Русија протерува 50 британски дипломати во рамките на возвратните мерки по труењето на поранешниот руски шпион во Велика Британија.
Поради таа причина повеќе земји протераа руски дипломати.
Како што јави МИА, претходно руските власти соопштија дека ќе протераат 23 британски дипломати, сразмерно со бројот на руските дипломати кои мораа да го напуштат Лондон.
Москва, сепак одлучи да протера поголем број дипломати, со цел руската и британската дипломатска мисија да имаат ист број персонал.
Би-Би-Си јави дека, тоа практично би значело дека уште најмалку 27 британски дипломати од Русија ќе мора да се вратат во Лондон.
Британската Влада ја обвини Русија за труење со нервен агенс во Велика Британија на поранешниот руски двоен агент Сергеј Скрипал и неговата ќерка Јулија. Москва ги отфрли обвиненијата.
Британскиот амбасадор во Москва, Лари Бристов наведе дека неговата земја има еден месец да го намали бројот на дипломати и да го изедначи со бројот на руски дипломати во Велика Британија.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка