Русија и Кина ставија вето на резолуцијата на СБ на ОН за Алепо

Русија и Кина ставија вето на резолуцијата на Советот за безбедност на Обединетите нации, со која се бараше седумдневен прекин на огнот во сирискиот град Алепо.

Русија во СБ тврдеше дека со резолуцијата, на бунтовниците ќе им се овозможи да се прегрупираат и дека е потребно време за разговори меѓу Вашингтон и Москва.

Ова е шести пат од 2011 година Русија да вложи вето на резолуција на Советот за безбедност за Сирији, а петти пат Кина да блокира една таква акција, пренесуваат британските медиуми.

И Венецуела гласаше против резолуцијата, чиј нацрт го изработија Нов Зеланд, Египет и Шпанија, додека Ангола беше воздржана.

Останатите 11 држави членки на Советот за безбедност на ОН гласаа во корист на резолуцијата, наведуваат британските медиуми.