Русија ги отфрла обвинувањата за мешање во изборите во Грузија
Русија ги отфрла обвинувањата дека се мешала во парламентарните избори во Грузија, изјави денеска портпаролот на Кремљ, Дмитриј Песков, додавајќи дека тоа веќе стана стандард за многу земји.
-Не, немаше мешање, рече Песков и додаде дека имало обиди на „европски актери“ да влијаат на изборите, но не и од Москва.
Зборувајќи за резултатите од изборите во Грузија, тој рече дека тоа се избори на грузискиот народ. -Сега е многу важно ниту една трета земја да не се меша во резултатите на овие избори, рече тој.
Според податоците на Централната изборна комисија, на парламентарните избори во Грузија одржани за време на викендот, а завршија утрото на 27 октомври, излезноста била 58,94 отсто, а по пребројувањето на гласовите од 99,3 отсто од избирачките места, водечката партијата „Грузиски сон“ освоила 54,086 отсто од гласовите.
Опозицискиот блок „Коалиција за промени“ доби 10,9 отсто од гласовите, „Единство-Национално движење“ – 10,1 отсто, „Силна Грузија“ – 8,7 отсто, „Гакарија за Грузија“ – 7,7 отсто.
Врз основа на овие податоци, владејачката партија „Грузиски сон“ може да добие 61 мандат во новото свикување на парламентот, додека опозицијата заедно да добие 89 мандати и со тоа да постигне мнозинство.
Опозициските партии и коалиции не ги признаваат изборните резултати и најавија протестни собири и бојкот на парламентот.
Претседателката Саломе Зурабишвили резултатите од изборите ги нарече „руска специјална операција“. САД и ЕУ повикаа на истрага за потенцијално мешање во изборите.
Ново на Сител
-
Куќата oд филмот „Сам дома“ продадена за 5,5 милиони долари
-
Французинка измамена од лажен Бред Пит, изгубила 830.000 евра
-
Полицијата со сила избрка советници и пратеници кои го блокираа градското собрание во Нови Сад
-
Критична состојбата на момчето од Волково по струјниот удар
-
Финансова полиција со кривична пријава против три физички и две правни лица за фалсификување деловни книги
-
Нивото на јаглерод диоксид во атмосферата во 2024 година се зголемувало побрзо од кога било досега, предупредуваат научниците
-
Директорите на македонската и хрватската Царинска управа договорија унапредување на соработката во борбата против криминалот
-
Три лица искасани од кучиња скитници