Румениге потврди: Видал доаѓа во Баерн

 Досегашниот фудбалер на Јувентус, Артуро Видал, наскоро ќе потпише за Баерн Минхен, потврди денеска извршниот директор на германскиот клуб Карл-Хајнц Румениге.

 

- Можам да потврдам дека сме на иста линија и со фудбалерот и со Јувентус. Постигнат е договор и се чека да се завршат само медицинските прегледи по што Видал ќе го стави својот попис на договорот.

 

Баварците во Чилеанецот гледаат соодветна замена за Бастијан Швајнштајгер кој по 17 години го напушти Баерн и замина за Манчестер Јунајтед.

 

Видал (28) од 2011 година ги брани боите на Јувентус, клуб за кој одигра 124 натпревари и постигна 35 гола.

 

Со националниот тим на Чиле неодамна ја освои историската прва титула шампион на Јужна Америка.