Романија: АЛДЕ ја повлече поддршката за владата на Гриндеану

Помалиот коалициски партнер на Социјалдемократската партија на Романија (ПСД) - Алијансата на либералите и демократите (АЛДЕ), ја повлече политичката поддршка за Владата на премиерот Сорин Гриндеану, изјави лидерот на партијта Калин Попеску Таричану. 

Таричану наведе дека министрите од АЛДЕ се подготвени да поднесат оставка. 

Националниот извршен комитет на социјалдемократите денеска се собра на заседание со цел да одлучи за судбината на кабинетот на Гриндеану. 

Романските медиуми јавија дека лидерот на СДП Ливиу Драгнеа планира да ја турне сопствената Влада само половина година откако стапи на должност. 

Медиумите тврдат дека лидерот на социјалдемократите се заканил дека ќе ја повлече политичката поддршка за Владата, бидејќи бил незадоволен од доцнењето на мерките од програмата за управувањето.