Ролан Гарос: Мареј со проблеми во 1.коло - мечот прекинат

Вториот носител на Грен Слемот „Ролан Гарос“, британскиот тенисер Енди Мареј наиде на големи проблеми уште во првото коло. Британецот на мечот со Радек Штепанек од Чешка губи со 2-1 во сетови и само еден изгубен сет го дели од елиминација.

 

Мечот синоќа беше прекинат поради мрак, а ќе се доигра денеска со почеток во 12:30 часот.

 

Чешкиот тенисер ги доби првите два сета со по 6:3, во третиот Мареј славеше без изгубен гем (6:0), а во четвртиот е 4:2 за Британецот.

 

Евентуален пораз за Мареј би значела прва елиминација на вториот носител на турнирот во Париз по пауза од 16 години. Во 2000 година Пит Сампрас беше елиминиран, иако тогаш важеше за втор кандидат за освојување на трофејот.