Робот пожарникар учествуваше во спасувањето на Нотр Дам

Дел од заслугите за успешно спасување на средновековната катедрала се припишуваат на Колосус – роботот пожарникар. Колосус е тежок околу 1.100 килограми, и со него се служи Противпожарната бригада на Париз со далечинско управување, според „Јалопник“.

Пожарникарите може да управуваат со него од далечина од речиси 1000 метри, а поради неговиот модуларен дизајн може да се конфигурира и приспособи на различни работни задачи.

Долг е околу 1,5 метар и широк околу половина метар. Тој е отпорен на вода и оган, и е управуван од два електрични мотори. Сопира со помош на електромагнетни сопирачки.