Рио 2016: Кина го освои златото во женска одбојка

Во финалето на женскиот одбојкарски турнир на Олимписките игри во Рио, репрезентацијата на Кина доцна ноќеска ја совлада Србија со 3:1.

 

Освен во првиот сет кој српските одбојкарки го добија со 25:19, Кинескињите беа подобар противник и другите три сета ги добија со 25:17, 25:22 и 25:23.

 

Претходно во дуелот за бронзениот медал, САД ја совлада Холандија со 3:1.

 

Денеска се играат натпреварите за медали во машка конкуренција. Во финалето се среќаваат домаќинот Бразил и Италија, а за трето место ќе играат САД и Русија.