Рим: Финале Ѓоковиќ-Надал

Новак Ѓоковиќ одигра уште еден маратонски меч на Мастерсот во Рим и закажа ново финале со Рафаел Надал. Откако попладнево, го победи Стефанос Циципас, во три сета, на ист начин славеше и во полу-финалето против младиот италијански тенисер, Лоренцо Сонего.

 

Ѓоковиќ по два часа и 45 минути игра го победи Сонего со 6/3, 6/7, 6/2. Долго ќе се прераскажува вториот сет од овој меч, кој траеше 92 минути и во кој Ѓоковиќ не реализираше две меч топки, а во тај-брејкот испушти предност од 3:0 и 4:2.

 

Ѓоковиќ, утре, во своето 11.финале во Рим ќе се бори за својата шестаа титулат. Противник ќе му биде Рафаел Надал кој со 6/4, 6/4 го победи Рејли Опелка. Шпанецот во своето 12.финале ќе се обиде да ја освои 10.титула во вечниот град.