Ријана скршена од болка по страшното убиство: Не можам да верувам дека синоќа те гушкав

Пејачката на социјалните мрежи ја искажа својата тага поради смртта на роднината. Младото момче (21) било убиено додека се шетало.

Ријана не може да се опорави од шокот откако на Барбадос е убиен нејзин роднина, 21 годишниот Тавон Каисен Алејн, само неколку часа откако со пејачката заедно го поминале Божиќ.

Младото момче додека се шетало било неколку пати застрелано од непознат маж.

Пејачката на социјалните мрежи ја објави трагичната вест. Најлошо е, како што вели, што за Божиќ минале заедно и се гушкале.

- Почивај во мир, братче. Не можам да верувам дека синоќа те гушкав. Никогаш не помислив дека тоа ќе биде последен пат да ја почувствувам топлината на твоето тело. Ќе те сакам засекогаш, напиша пејачката скршена од болка.