Ријад бара „решителен став“ на меѓународната заедница кон Иран
Саудискиот престолонаследник, принцот Мохамед бин Салман ја повика меѓународната заедница да заземе „решителен став“ во врска со нападите врз нафтените танкери во Оманскиот Залив, за кои го обвини Иран.
Изминативе денови на два танкери во Оманскиот Залив се случија експлозии, по што избувнаа пожари. Причините за експлозиите официјално не се соопштени, но САД, Саудиска Арабија и Велика Британија обвинија дека танкерите биле цел на ирански напади.
Иран од своја страна ги отфрла ваквите обвинувања, оценувајќи дека „некој се обидува да го скара со меѓународната заедница“.
Во интервју за саудискиот државен весник „Ашарк ал-Авсат“, принцот Мохамед се осврна и на односите меѓу Ријад и Вашингтон, за кои смета дека нема да бидат нарушени и покрај „медиумските кампањи или ставови што ги пласираат американските медиуми“.
Американските медиуми го засилија притисокот врз Вашингтон за промена на политиката кон Ријад по убиството на саудискиот новинар вработен во „Вашингтон Пост“, Џамал Кашоги во Саудискиот конзулат во Истанбул во октомври минатата година. Турција и неколку западни земји за убиството на Кашоги ги обвинија властите во Ријад и пред се принцот Мохамед.
Ново на Сител
-
Зеленски повика на инвестиции во украинската одбранбена индустрија
-
Утрото постудено, преку денот сончево со умерена облачност
-
Пентагон соопшти дека почнала изградбата на привремено пристаниште во Појасот Газа
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи