Репрезентација до 17 години на два контролни натпревари против Романија

 

 

 Младата фудбалска репрезентација на Македонија за играчи до 17 години, на гостински терен ќе одигра два контролни натпревари против соодветната селекцијата на Романија. 

 

 

Избраниците на селекторот Добринко Илиевски, двата дуели против врсниците од Романија ќе ги играат Букурешт. Првата средба ќе ја одиграат на 9 август (вторник), со почеток од 17 часот, а во истиот термин, но три  дена покасно (12 август – петок) ќе се игра вториот натпревар.

 

За претстојниот предизвик на младата репрезентација на Македонија повикани се следните фудбалери:

 

Голмани: Дамјан Серафимов (Металург), Малик Зибери (Вардар).

 

Одбрана: Борјан Пановски (Работнички), Филип Антовски (Вардар), Никола Спасов (Академија Пандев), Кристијан Додевски (Металург), Бесник Ферати (Шкупи), Бесир Рамадани (Шкупи).

 

Среден ред: Марио Наумоски (Металург), Енис Фазлагиќ (Шкендија), Лука Трајковски (Победа), Стефан Колевски (Работнички), Филип Стојановски (Вардар).

 

Напад: Бојан Колевски (Металург), Емир Скендери (Академија Пандев), Саит Батиќи (Вардар), Филип Алексовски (Македонија Ѓ.П.), Дарко Божиновски (Пелистер).