Ренци: ЕУ е како оркестар на Титаник додека тоне

Италијанскиот премиер Матео Ренци изјави дека Европската унија е како „оркестар што свири на Титаник додека тоне“.

Во интервју за Блумберг тој ја повика ЕУ да ја промени насоката и повеќе да се фокусира на растот и вработувањето, а помалку бирократска, јави Танјуг.

- Спроведовме реформи и во позиција сме да им кажеме на нашите европски партнери -  пријатели, можеме да го измениме овој погрешен бирократски пристап, изјави Ренци.