Рељиќ: Задоволна сум од настапот на Олимписките игри
Рељиќ е задоволна од настапот, но се надева и на поголеми успеси во иднина.
„Задоволна сум од настапот на Олимписките игри. Вчера ги завршив борбите. Во првата борба се сретнав со двојната олимписка шампионка, но во борбата влегов храброт и сконцентрирано. Немав никаков стрес или притисок поради тоа што таа беше двапати олимписка шампионка и неколкупати европска и светска шампионка. Со тренерот смисливме добра тактика што да работиме, тоа го работев и на крај победивме. Во втората борба за жал тесно изгубив од претставничката на Либан. Борбата беше изедначена, можеби фалеше малку спортска среќа, но направивме добри борби. Тука нема да застанеме, продолжуваме напред кон поголеми успеси“, вели Рељиќ.
Задоволен е и нејзиниот тренер, Ефтимов кој изрази надеж за поголеми успеси во иднина.
„Можам да кажам дека сепак со успех се враќаме од Олимписките игри. Дадовме се од себе да ја претставиме Македонија во најдобро светло. Во првата борба се боревме буквално со нашиот идол, Џеј Џонс, двократна олимписка шампионка, неколкупати светска и европска шампионка, една од најдобрите во историјата на овој спорт. Но, ние успеавме да ја победиме и покрај тоа што таа има многу поголемо искуство. Штета што во втората борба многу тесно загубивме. Нијасни одлучуваа да не поминеме во полуфиналето. Не освоивме медал, но ја освоивме македонската јавност. Тоа ни е важно да продолжиме понатаму кон следни предизвици“, вели Ефтимов.
Ново на Сител
-
Ким Џонг Ун изјави дека Северна Кореја планира проширување на нуклеарниот арсенал
-
Состојба на патишта
-
Облачно и посвежо, на повеќе места со пороен дожд
-
Маж и жена од Македонија се заглавиле во заливот Филикури, ги спасиле полицајци
-
Дубровник под вода по силното невреме | ВИДЕО
-
Дошла кај него за да му раскине, а тој ја нападнал и се обидел да ја силува
-
Маж со пушка си го бранел насадот со пченка од диви свињи
-
Кумановка нападната од синот