Реконструкција на турската Влада

Турскиот премиер Бинали Јилдирим денеска изврши реконструкција на неговиот владин Кабинет, јави телевизијата НТВ.

Промените во неговата Влада, Јилдирим ги соопшти по средбата со турскиот претседател Реџеп Тајип Ердоган.

Со реконструкцијата се сменети четворица од петмината вицепремиери како и петмина досегашни министри.

Вицепремиери во новата Влада се Бекир Боздаг, Мехмет Шимшек, Фикри Ишик, Реџеп Акдаг и  Хакан Чавушоглу.

Нов министер за правда е Абдулхамит Ѓул, за храна и земјоделство Ахмет Ешреф Факибаба, за култура и туризам Нуман Куртулмуш, за здравство Ахмет Демирџан, а за труд и социјална политика Жилиде Сариероглу.

Остантите министри ги задржаа досегашните ресори и во новиот владин Кабинет.

Промените во Владата на Јилдирим беа очекувани уште од мај годинава кога Ердоган, по измените на Уставот, повторно беше избран за лидер на владејачката Партија на парвдата и развојот.

Со уставните измени, кои беа одобрени на референдумот на 16 април годинава, беше овозможено шефот на државата да извршува и партиски функиции.