Реконструкција на крстосницата кај последна 5-ка во Ново Лисиче
Град Скопје и Општина Аеродром започнаа проширување и реконструкција на крстосницата на булеварот АСНОМ со Февруарски поход во должина од 430 метри. Почетокот на градежните работи денеска ги означија градоначалниците на Скопје и Аеродром, Коце Трајановски и Ивица Коневски при што нагласија дека со продолжувањето на овој дел од булеварот ќе се заокружи инфраструктурата за новата населба покрај Вардар, а присуствуваше претседателот на ВМРО-ДПМНЕ Никола Груевски.
- Проширувањето на булеварот „АСНОМ“ ќе се искористи за да се постави нова атмосферска канализација со должина од 221 метар, со профил на цевките од 500 милиметри, истакна Трајановски.
Појасни дека за осветлување на новопроширената сообраќајница ќе се постават 28 столба за улично осветлување, високи по 10 метри.
Градоначалникот Коневски појасни дека реконструкцијата на булеварот ќе започне од објектот на Фудбалската федерација на Македонија до почетокот на населбата Горно Лисиче каде ќе се изградат четири сообраќајни ленти.
-Општина Аеродром ја изгради целата секундарна инфраструктурна мрежа во делот кај новите згради. Со тоа значително ќе се подобрат условите за сообраќај, но и безбедноста во овој дел од општината. До сега се инвестирани околу 120 милиони денари, истакна Конески.
За реконструкција на булеварот Град Скопје ќе вложи 31,8 милиони денари, а градежните работи ќе ги изведува „Бетон“ АД Скопје. Рокот за изведба е 150 дена.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање