Реакција на ВМРО-ДПМНЕ на интервјуто на Заев

Состојбата е алармантна, Заев покажа дека е економски неписмен, а ја води државата.
И додека Заев се обидува да биде економист и танцува со короната, народот се обидува да преживее и танцува со растечката сиромаштија.
Зоран Заев денес покажа елементарно економско непознавање. Користењето на парите од вториот пензиски столб не значи било какво загрозување на пензиите. Токму таква мерка сега презема Естонија. Тоа што е добро за земја членка на ЕУ не е добро за Заев.
Претворањето на благајнички записи во државни обврзници е вишок на ликвидност на банките и не претставува нивно загрозување. Заев очигледно треба да се врати во прва година на Економскиот факултет во Скопје, за да научи некои базични операции.
Додека Заев се смее по емисии, докторите голораки се справуваат со најголемата епидемија на светско ниво по Втората Светска Војна.
Заев лаже кога вели дека докторите се заштитени со заштитна опрема. 15% од сите заразени од корона се доктори. Наместо облечени во скафандери, со заштитни визири, ракавици и медицински маски, докторите во ек на пандемија имаат ниво на опременост како да одат по доручек.
Се ќе беше во ред доколку Заев и владата на СДСМ се грижеа за народот, а не за матни набавки вредни милиони во ек на вирус.
Заев мора да одговори кој лови во матно и зошто не се знае ништо за набавката на 50 респиратори!?
Заев мора да одговори од каде знае за сумата од 1 милион и 250 илјади евра за набавка која според Венко Филипче не е завршена и е во тек постапката!? Дали се работи за однапред договорена зделка!? Кој профитира за време на коронавирус, врз грбот на граѓаните!?
Буџетот не е бунар без дно, а Заев крати од народот, ама не и од тендерите на олигархијата на власт.
Состојбата е алармантна. Граѓаните чекаат одговорност. Потребни се одговорни чекори.
Ново на Сител
-

Отпушок од цигара причина за пожарот во ГОБ „8 Септември“, нема повредени
-

Потпишан петгодишен протокол за соработка со Универзитетот Тракија, обука за македонските здравствени работници во Едрене
-

Синдикалната минимална кошница за ноември 70.827 денари
-

Британската војска спроведува офанзивни кибер-операции против Русија, Кина, Иран и Северна Кореја
-

28-годишник од Чаир го запалил автомобилот на мајка си, се заканувал дека ќе го запали и станот
-

Спречен нелегален внес на 2,8 тони нејодирана сол која е забранета за увоз
-

Се сопнал од кофа и паднал во необезбедено лифтовско окно – две лица и две фирми обвинети за смртта на Кристијан Љушев во Охрид
-

Поголем К-15 за работниците годинава – минималниот износ достигна 19.415 денари, рокот истекува на 31 декември
