„Разденица“ – нова стихозбирка од Стојан Тарапуза
Со необичен и иновантен наслов „Разденица“ во книгоиздателството Макавеј од Скопје излезе од печат новата збирка песни од бардот на македонската литература за деца Стојан Тарапуза.
Овој писател за деца и млади кој е речиси единствениот кој со својата творечка енергија постојано го иновира книжевното творештво за деца во новата книга на стотина страници објавува исто толку нови наслови.
Во својата препорака кон книгата поетот и литературен критичар Бранко Цветкоски истакнува: “Стојан Тарапуза е еден од врсниците на раѓањето на современата македонска литература за деца и жив меѓник на незиниот педесетгодишен развој и разлет. Новата книга се јавува како продолжение на неговата се уште мошне плодна творечка декада во која тој се обзнани со нови поетски и прозни дарови за најмладите читатели.
Збирката `Разденица` е, како што би рекол самиот Тарапуза „везеница“ од мудри, полетни, ритмички неверојатно мотивирани стихови за човековиот елан со кој се пречекува животот, со кој се опева постоењето, се толкува смислата на постоењето, се извишува вербата во денот што ги отвора портите за сите зафати на човекот, за сите отворени прозорци низ кои му се нудат на младешкиот живот нови предизвици и нови мечтаења. Оваа нова лирска книга доаѓа како ново позитивно изненадување во опусот на Стојан Тарапуза и воопшто во современата македонска литература за деца и млади.“
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок