-->
-->
Раул: Цеље е добра екипа очекувам неизвесен натпревар
-->
Македонскиот ракометен шампион Вардар во сабота во Спортскиот центар „Јане Сандански“ ја пречекува екипата на Цеље во натпревар од 12.коло од Лигата на шампионите. „Црвено-црните“ по 11.коло беа на првата позиција на табелата, а по вчерашната победа на Рајн Некар Ловен над Мешков Брест германската екипа со натпревар повеќе е лидер во групата Б.
Во Вардар се подготвени за предизвикот што ги очекува и на денешниот прес најавија борба до нов триумф.
- Ние сме фаворити на овој натпревар, но Цеље е добра екипа и очекувам неизвесен и добар натпревар. До крајот на дуелите во групата имаме уште три натпревари. Воедно имаме добра шанса да го освоиме првото место во групата, изјави тренерот на Вардар Раул Гонзалез.
Капитенот Стојанче Стоилов истакна:
- Против Цеље оваа сезона од три натпревари имаме три победи, но сматам дека нема да биде лесно, како што некои други очекуваат. Мора да ја искористиме секоја шанса и мораме да победуваме ако го сакаме првото место во групата.
На трите дуели на двата тима сезонава Вардар двапати победи како гостин 26:32 (Лига шампиони) и 29:40 (СЕХА лига) и еднаш како домаќин 33:31 (СЕХА лига). Словенечкиот шампион во Скопје ќе допатува со победа во регионалната лига (СЕХА) од 39:30 над Татран Прешов постигната вчера.
Натпреварот Вардар – Цеље се игра во сабота со почеток во 17:30 часот.
-->
-->
-->
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка