Распишан тендерот за изградба на патот до времената депонија кај Гевгелија

На 30 септември истекува последниот рок за пријавување на тендерот за изградба на пристапниот пат до времената депонија во околината на гевгелиското село Ново Конско.

Тендерот е распишанод Меѓународната организација на мигранти врз основа на доделениот грант и потпишаниот договор со Општина Гевгелија.

Грантот ќе овозможи комплетно уредевање до фаза на тампонирање на долниот и горниот слој од пристапниот пат долг 1,5 километр, а општина Гевгелија ќе обезбеди довод на вода и струја до локацијата на депонијата за што согласно проектната документација, веќе ги почна преговорите со ЈПКД „Комуналец“ и со ЕВН.

Завршувањето на споменатите активности ќе овозможат конечно да профункционира најсовремената депонија за комунален отпад во земјава и затворање на сегашната дива депонија кај Сува Река која претставува сериозна закана за животната средина и здравјето на луѓето.