Распишан конкурс за Охридски трубадури

Советот на интрнционалниот музички фестивал  „Охрид фест-Охридски трубадури" го распиша конкурсот за 24.  издание, кое ќе се одржи во  втората половина  на август  на  кејот на  Охридското езеро, пред  хотелот  „Нова Ривиера“. 

На конкурсот можат да учестуваат сите граѓани на Македонија кои до 10 мај ќе испратат демо снимка и текст на песната со назнака за Фолк вечер, за Поп вечер или  Интернационална програма.

На конкурсот за Интернационалната програма можат да учествуваат автори од  Балканот  и другите  европски земји, со песни кои премиерно се изведени во 2017 година или се премиерни  композиции.

На  трите   фестивалски  програми ќе бидат доделени прва, втора и трета награда од публиката и жирито, како и специјалните награди  за најдобар аранжман, за најдобар текст, за најдобра интерпретација, награда за најдобар дебитант, награда за најдобар сценски настап...

Авторите, своите композиции треба да ги испраќаат на  e-mail адресата на  фестивалот.