Распад на АБА лигата!?

На само три дена пред одржувањето на седницата на АБА лигата во Загреб се поизвесно е дека проектот Регионална Јадранска лига ќе се распадне откако кошаркарските сојузи на Македонија и Црна Гора изразија отворена поддршка кон ФИБА и најавија дека ќе играат само во натпреварувањата организирани од страна на оваа организација.

Останатите сојузи од АБА лигата најверојатно ќе го поддржат УЛЕБ кој на АБА лигата и понуди едно место во Евролигата и три места во Еврокупот.

Црногорците побараа од ФИБА сепак да ги земе во предвед резултатите од тековните средби во АБА лигата и победникот да игра во новоформираната Лига на шампиони.

Доколку АБА лигата не потпише спогодба со УЛЕБ тогаш најверојатно ќе следи распад на Јадранската лига каде во овој момент тече плеј-офот во завршните дуели и Ц.Звезда и Мега Лекс водат со по 1-0 против Цедевита и Будуќност.

Во тој случај Евролигата ќе одбере двајца учесници со директни разговори со клубовите како и еден учесник во Еврокупот.