Рамчиловиќ признава: Гласавме ЗА, но со одредени барања и услови кои и се познати на јавноста
Зекир Рамчиловиќ е еден од 8-те пратеници кои гласаа за потребата од Уставни измени, а веднаш по гласањето, го испрати ова соопштение, додуше не лично, туку преку здружението АВАЗ кое го пренесуваме во целост:
- Република Македонија се наоѓа во исклучително тежок период. Најголемата одговорност за ваквата ситуација ја има власта предводена од СДСМ која веројатно со добри намери направи големи грешки во преговарачкиот процес со Република Грција и не доведе во ситуација од која и покрај лошиот договор не смееме да се враќаме назад. Односно, ситуација во која секое враќање назад би предизвикало далеку поголеми штетни последици врз Република Македонија и нејзините граѓани отколку започнувањето на процесот за уставни промени. Поради тоа дел од пратениците на пратеничката група на ВМРО ДПМНЕ донесоа тешка, но пред се одговорна одлука со која ќе гласаат за потребата од започнувањето на процесот за уставни промени, но со одредени барања и услови кои и се познати на јавноста.
Здружението АВАЗ ја подржува ваквата одлука и смета дека предлозите се добра основа за постигнување на заеднички прифатливо решение со кое ќе се обезбеди национално помирување и ќе се продолжи кон побрзо интегрирање на Република Македонија во ЕУ и НАТО. Здружението АВАЗ во работењето целосно е посветено на подобрување на положбата на Бошњаците и на сите македонски граѓани и така и ќе продолжи во наредниот период, а ова е и чекор во тој правец.- напиша Рамчиловиќ во писмениот допис од здружението АВАЗ.
Ново на Сител
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО