Рама: Воздушниот простор за време на самитот на НАТО ќе биде заштитен со супер интелигентни дронови произведени во Албанија

Премиерот Еди Рама објави дека Албанија ќе распореди интелигентни дронови од домашно производство за безбедност на воздушниот простор за време на самитот на НАТО, што ќе се одржи во Тирана следната година.

Тој додаде дека владата нарачала напреден систем за воздушна одбрана, што се очекува наскоро да пристигне  во Албанија.

– Како што ветивме, одбраната на небото за самитот на НАТО, каде што ќе биде присутен и претседателот на САД, Доналд Трамп,  ќе се брани од небото и од Земјата и од Марс и од Месечината, ќе се врши со супер интелигентни дронови произведени овде во Албанија, нагласи Рама.

На албанската армија вчера и беа предадени 40 тактички возила произведени од албанската компанија Тимак, во партнерство со државната компанија КАЈО. 

МИА