Рама: Немаме информации за евентуален терористички напад од Иран
По кибер-нападите врз системите на албанските институции, прашан колку е загрозена Албанија од ирански терористички напад, премиерот Еди Рама вели дека до сега „нема информации за зголемен ризик“.
Сепак, додава, дека во секој случај Албанија следи се, бидејќи „пред нас имаме ѓаволски и непредвидлив режим“.
-Немаме податоци дека се чувствуваме загрозени, но од друга страна имаме ѓаволски режим, кој може да биде непредвидлив, вели Рама.
Тој повторува дека од кибер-нападите не се украдени чувствителни податоци на албански државјани.
-Сè уште нема никакви податоци во дигиталниот систем, па затоа нападите кои дојдоа од Иран не можат да имаат никакви податоци за албански граѓани или се поврзани со тајни податоци, тврди Рама.
Според него сите истраги и сите записи зборуваат за групи кои работат по налог и директно спонзорство на иранската влада.
Албанија хакерите ја нападнаа на 15 јули, кога, три недели вон функција ги остави сите владини системи.
Вториот беше вечерта на 9 месецов кога беа нападнати системот ТИМС на граничните премини, како и двата внатрешни полициски системи, АДАМС и МЕМЕКС, каде со години се евидентираат главните податоци за криминалците.
Потоа хакерите почнаа да објавуваат податоци а пред три дена Обвинителството им забрани на медиумите реобјавување на истите.
Ново на Сител
-
Путин: Русија презема мерки за да му помогне на Иран
-
ИДФ: Нападнати шест ирански аеродроми, оштетени писти и авиони
-
Јапонскиот премиер го откажа учеството на самитот на НАТО
-
Вучиќ: Армијата е речиси целосна екипирана, одлучено е да се продолжи со концептот на дигитална армија
-
Ристески: Построги стандарди за заштита и безбедност за физички и правни субјекти кои сакаат да работат со угостителска дејност
-
Демант од МВР на наводи од Левица
-
Вашингтон врши притисок врз Пекинг да го спречи Иран да го блокира Ормутскиот теснец
-
Тунелите на нуклеарниот комплекс Исфахан и погонот Фордо се оштетени во американските напади