Рама: Макрон мисли за „не“, но сонцето повторно ќе изгрее
Албанскиот премиер Еди Рама денеска преку видео порака на социјалните мрежи зборува за одлуката на земјите од Европската унија, да отворат или не преговори со Албанија.
Со долга брада, можеби сакајќи да го имитира првиот шеф на албанската влада Исмаил Ќемали, Рама вели дека Германија, која ги предводи земјите кои се за „да“, избрала поинаков пат од повеќето земји-членки. Тој предвидува „не“ од страна на францускот претседател Макрон за Албанија.
– Германија постави некои услови што се разумни за нас, но неразумни да се приближи кон Франција и тие две или три земји се уште не зазеле конечна позиција. Претседателот на Франција излезе со став за длабока реформа на Унијата. Емануел Макрон не е подготвен да ги придвижи преговорите за Западен Балкан понатаму, без претходно да изврши притисок за реформите во Унијата. Овој пристап на Франција е концептуално некомпатибилен со консензуалниот пристап што води кон оние кои се за „да“, но тоа не е против Албанија и Северна Македонија или Западен Балкан во целина, вели Рама.
На крајот тој посочува дека за неколку дена ќе го чуеме завршетокот на ова тешко поглавје од напорите да станеме дел од ЕУ, но каков и да е исходот од состанокот на Советот на Европа „сонцето повторно ќе изгрее и денот ќе биде природно продолжение на овој историски напор за европската државност, кон Европа што ја сакаме за нашите деца, не за Берлин, не за Брисел, не за нас, туку за Албанија, Албанците и другите генерации“.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово