Рама: Изборите нема да бидат спречени, ниту пролонгирани
Албанскиот премиер Еди Рама и одговори на опозицијата, која денеска го потпиша договорот со кој се официјализира опозициската коалиција против избори се додека тој е премиер и оти „она за што нема преговари е неговото заминување од Владата“.
Рама преку Твитер ја нарече опозицијата „хроничен губитник“ и додава дека локалните избори на 30 јуни „ниту ќе се пролонгираат ниту ќе се спречи нивното одржување“.
-По откажувањето од мандатите, коалицијата против изборите е уште една форма на политичко самоубиство! Хроничните губитници се заложници на нивниот очај, но Албанија не може да ја земат во заложништво. Изборите нема да бидат спречени, ниту одложени. На 30 јуни граѓаните ќе зборуваат со гласови во секоја општина, напиша Рама на Твитер.
Реагираше и владината портпаролка и министер за односи со Парламентот, Елса Спиропали која оцени дека формирањето на опозициската коалиција е „потврда на распадот на историската партија, демократската“.
– Само Љуљзим Баша може да создаде коалиција на партии за изборно неучество и да ја придружува оваа глупост со херојска насмевка. Тоа е академско и практично сведоштво за тоа како историската партија може да биде уништена од страв и недостиг на политичка храброст, вели Спиропали.
Ново на Сител
-
Манолева: Договорени се алтернативнин решенија за хируршките сали
-
ЦУК: Нестабилност со пороен дожд и грмежи подолго време се задржува околу Кавадарци, Неготинио и Демир Капија
-
Димитровска: По верификација на мандатот именуваните и избраните лица треба да се откажат од сите претходни функции
-
Кое е вашето емотивно наследство? | Марина Анчевска | Личен развој | Sitel Podcast 040
-
Македонските кикбоксери од Балканско со 9 златни, 12 сребрени и 11 бронзени медали
-
Најтопло во Велес, Гевгелија, Кавадарци - 34 степени, до крајот на денот локална појава на пороен дожд и грмежи
-
Пред Ајфеловата кула оставени ковчези оставени со натпис – француски војници од Украина, приведени три лица
-
Повеќе загинати и повредени во пожар во руска нафтена рафинерија