Ракомет
2. October 2015 - 13:13

Ракомет (ж): Контролката за Вардар

Женската ракометна репрезентација на Македонија под водството на новиот селектор Симе Симовски одигра контролен меч со македонскиот првак Вардар на кој загуби со 29-20. 
Репрезентативките имаа солиден почеток против Вардар кој настапи без Андреа Лекиќ, Андреа Пенезиќ и Сираба Дембеле оно како одминуваше времето црвено-црните ракометарки се одлепуваа резултатски. 
 
Маја Сокач беше најефикасна на натрпеварот со осум гола, пет постигна Сања Дамњановиќ, а четири Барбара Лазовиќ. Во македонската репрезентација по три гола имаа Теодора Керамичиева и Андреа Белеска.
 
Репрезентацијата ќе се комплетира в недела со доаѓањето на Зорица Десподовска и Ивана Гакидова, а веќе в среда е првиот меч од квалификациите за ЕП, во Бар, против Црна Гора. Три дена подоцна во Скопје гостува Хрватска.