Работилница од проектот „е- ENGAGEMENT“ во Крушево

Во Крушево денеска ќе се одржи третата едукативна работилница од втората етапа на проектот „е-ENGAGEMENT“, организиран од страна на Младинскиот сојуз со поддршка на фондацијата е-Македонија.

Проектот треба да ги промовира предностите и придобивките од информатичките и комуникациските технолгии меѓу младите луѓе со посебен акцент на ангажманот во информатичкото општество.

Во рамки на проектот, организирани се 12 еднодневни работилници во 12 градови со цел да се подигне свеста и да се развијат нови вештини и знаења кај младите од сите региони во Македонија за употреба на можностите и продобивките кои ги нудат новите технологии, за нивно активно вклучување и придонесување во општеството.