Работењето на Катастарот презентирано пред студенти на ДУТ
Претставници од Агенцијата за катастар на недвижности оддржаа презентација пред студентите на Државниот универзитет во Тетово во рамки на новиот проект „Евалуација на академското образование во земјите од Западен Балкан и професионални и одржливи обуки за инфраструктурата на просторни податоци“ - BESTSDI.
Како што информира Агенцијата, BESTSDI ги инволвира високо образовните институции од областа на геодезијата, геоинформатиката и инфраструктурата на просторните податоци на земјите од Западен Балкан, а е финансиран од програмата на Еворопската комисија ERASMUS+ K2. Проектот вреден околу еден милион евра, почна со имплементација во октомври 2016 година и ќе трае три години.
Стручни лица на Агенцијата пред студентите од прва и втора година го презентираа целокупното работење на Катастарот, како и потребата од високообразован кадар од областа на геодезијата. Студентите детално се запознаа со можностите на мултифункционалниот Електронски катастар, Македитот, Масовната процена, OSSP порталот, НИПП во Република Македонија како и преостанатите современи сервиси и регистри кои ги има катастарот.
Соработката на Агенцијата за катастарот на недвижности со сите високообразовни институции од областа на геодезијата во Република Македонија се интензивира со цел успешна имплементација на BESTSDI кој треба да овозможи современа наставна програма на нашите факултети, усогласена со европските стандарди.
Агенцијата за катастар на недвижности нагласува дека како општествено одговорна институција ќе даде максимална подршка во градењето академски капацитети кои ќе се развиваат по современите европски програми.
Ново на Сител
-
Петмесечно бебе е вториот случај на голема кашлица во прилепско
-
Преглед на вестите од светот
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот