Путин: Турција дозволува влез на вооружени групи во земјата

Турција досега не покажа дека е во состојба да го спречи влезот на вооружени групи од соседните земји, изјави денеска рускиот претседател Владимир Путин.

- За жал, добро знаеме дека властите во Турција не можат да го спречат влезот на вооружени групи од соседните земји, бидејќи веројатно соработуваат со нив, истакна Путин на форумот на „Единствена Русија’, каде зборуваше за туризмот и безбедноста на руските туристи.

Тој го спомена и Египет, како омилена дестинација на Русите, нагласувајќи дека „и таму треба да се направи уште многу за локалните власти да гарантираат безбедност“.