Путин пристигна во Владивосток за да учествува на Источниот економски форум

Рускиот претседател Владимир Путин синоќа пристигна во Владивосток за да учествува на Источниот економски форум, кој се одржува денеска.

„Рускиот претседател ќе има преполна меѓународна програма во пристанишниот град на Далечниот исток на земјата“, рече неговиот помошник Јуриј Ушаков.

Тој прецизираше дека Путин конкретно ќе има средби со кинескиот потпретседател Хан Женг, малезискиот премиер Анвар Ибрахим и српскиот вицепремиер Александар Вулин.

На форумот во Владивосток ќе учествуваат вкупно 6,000 гости од 76 земји, меѓу кои и шефови на 650 руски и 44 странски компании.

Претходно Путин ја посети Монголија каде што разговараше со својот монголски колега Ухнаагиин Хурелсух за продлабочување на економските врски, особено за соработката во енергетиката и транспортот.

Путин не е приведен во Монголија, иако Монголија е членка на Меѓународниот кривичен суд, кој издаде налог за негово апсење.