Путин не оди на самиот на БРИКС во Бразил заради опасност од апсење

Рускиот претседател Владимир Путин, кој е баран од Меѓународниот кривичен суд (МСП), нема да патува на самитот на БРИКС во Бразил на почетокот на јули, соопшти Кремљ, додавајќи дека министерот за надворешни работи Сергеј Лавров ќе биде таму.

Путин ќе зборува на настанот преку видео врска, изјави неговиот дипломатски советник Јуриј Ушаков, додавајќи дека рускиот претседател не патува поради „одредени тешкотии во контекст на барањето на МСП“.

Како член на Меѓународниот кривичен суд, Бразил би бил должен да го уапси Путин доколку присуствува.

Бразилскиот претседател Луиз Инасио Лула да Силва изјави дека Путин ќе биде поканет како членка основач на БРИКС, и покрај потерницата за нелегална депортација на украински деца во Русија, што Москва го негира.

Самитот на Бразил, Русија, Индија, Кина, Јужна Африка, Египет, Етиопија, Индонезија, Иран и Обединетите Арапски Емирати ќе се одржи на 6 и 7 јули во Рио де Жанеиро.

Путин не патуваше ниту на самитот на БРИКС во Јужна Африка во август 2023 година.

Тој не беше уапсен на почетокот на септември минатата година во Монголија, земја-членка на Меѓународниот кривичен суд, а за ова МСП и Европската унија ја критикуваа таа земја.

Во октомври минатата година, самитот на БРИКС се одржа во Казан, Русија.

Путин редовно го фали БРИКС – група од десет земји во развој, претставувајќи го како противтежа на „западната хегемонија“ во светот.