Путин: Конструктивни и важни разговори со Ердоган

Рускиот претседател Владимир Путин како конструктивна ја оцени својата денешна средба со турскиот претседател Реџеп Тајип Ердоган, пренесе ТАСС.

На прес-конференцијата по разговорите во Константиновскиот дворец во Санкт Петербург, рускиот претседател подвлече дека средбата има многу важно значење за натамошната судбина на односите меѓу Русија и Турција.

- Имавме конструктивен разговор за целиот комплекс од билатерални врски, како и за актуелните меѓународни теми, рече Путин.

Турција ќе му даде статус на стратегиска инвестиција на проектот за АЕЦ Акујо и е подготвена да обезбеди испорака на гас до Европа преку Турски поток, посочи турскиот претседател Ердоган.

Русија,пак, има намера етапно да ги повлекува ограничувањата кон турските компании, дополни Путин.

Анкара на разговорите дала гаранции за безбедноста на руските туристи и Москва ќе размисли за обновување на чартер летовите, истакна рускиот претседател.