Путин: Ќе бидеме принудени да реагираме поради антиракетниот штит на НАТО
Рускиот претседател Владимир Путин предупреди дека системот за противракетна одбрана на НАТО во Романија негативно се одразува на односите меѓу Москва и Западот.
Путин, по средбата со грчкиот премиер Алексис Ципрас во Атина, наведе дека Русија од почетокот на векот повторува дека ќе биде принудена да реагира. Но, тој прецизира дека Русија нема ништо да преземе по повод лоцирањето на ПРО во Европа се додека не виде ракети на соседните територии.
- Никој не не слуша. Никој со нас не преговара. Освен вообичаените фрази, ништо не слушаме. А вообичаените фрази се сведуваат дека тоа не е насочено кон Русија, дека не е закана кон безбедноста на Русија. Ќе потсетам дека првобитно ПРО беше потребена да се пресретне опасноста од Иран односно од иранската нуклеарна програма. Каде е сега иранската нуклеарна програма, истакна Путин.
Тој осврнувајќи се на односите со Турција посочи дека Русија сака да ги обнови односите со Анката и покрај инцидентот со рускиот бомбардер Су-24. Тој наведе дека Русија е во контакт со Турција со посредство на разни канали, но Москва чека конкретни чекори од Анкара, кои засега ги нема.
Рускиот претседател за западните санкции потенцира дека кога Западот ќе созрее и ќе ги укине ограничувањата, Москва ќе направи идентичен чекор.
Тој истакна и дека Курдите во Сирија не се проблем за Русија.
- Русија, САД, Европа, како и низа земји меѓу кои и Турција, мора да ги надминат несогласувањата поради победата над тероризмот, истакна Путин.
Ново на Сител
-
МПЦ - ОА замолува за достоинствено и христијанско однесување на погребите
-
Во Турција протести поради притворањето на градоначалникот на Истанбул
-
Ангелов: Да ги оставиме најблиските за последен пат, во тишина и плач, да си ги видат своите настрадани чеда
-
Уапсени двајца 18-годишници кои синоќа палеа огномет во градски парк
-
Тур де Франс 2027 ќе стартува од Велика Британија
-
Мартовски Самит на ЕУ: Главни теми конкурентноста, Украина и европската одбрана
-
Подобрена состојбата на еден пациент повреден во пожарот во Кочани примен на ВМА
-
Погреб на загинатите во пожарот во Кочани