Путин, Ердоган и Рохани ќе разговараат за иднината на Сирија
Рускиот претседател Владимир Путин денеска во Сочи ќе се сретне со својот турски и ирански колега Реџеп Тајип Ердоган и Хасан Рохани. Средбата е посветена на „долгорочно решение“ на судирот во Сирија.
Средбата е закажана неколку денови пред продолжувањето на мировните преговори во Женева.
Предвидено е Путин, Ердоган и Рохани да разговараат за евентуалниот Конгрес на сирискиот национален дијалог, каде Владата и опозицијата би се сретнале во Русија. Таквиот предлог сириската опозиција го одби, нагласувајќи дека ќе се придржува до женевскиот процес.
Несогласувањата во сите досегашни иницијативи за политичко решение на шестгодишната војна е судбината на сирискиот претседател Башар ал Асад. Заминувањето на Асад од власт за Москва и Техеран би предизвикало хаос во Сирија, додека бунтовниците имаат поддршка од Анкара и од Западот, одбиваат какво било решение што вклучува учество на Асад. Тие го обвинуваат Асад за воени злосторства. Турција е покровител на мировниот процес од Астана, со кои се воспоставени „сигурни зони“ во сириските региони Идлиб и Хомс, во предградието на Дамаск - Источна Гута и во јужниот дел на Сирија.
Фракции на сириската опозиција денеска ќе разговараат во главниот град на Саудиска Арабија, Ријад за заземање на заеднички став на претстојните преговори во Женева, како и за новиот устав и изборите во Сирија.
Москва годинава седумпати иницираше ппреговори помеѓу претставниците на сириската Влада и опозиција, кои беа фокусирани на воени и технички прашања
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок