Путин: Далеку сме од решение за Сирија

Претседтаелот нa Русија Владимир Путин денеска истакна  дека решение за Сирија може да се најде само со заеднички сили, но не и кога се размислува за обезбедување тактичка предност.

Путин оцени дека ситуацијата во Сирија е тешка и изгледите за решение зависат од волјата на страните во конфликтот и подготвеноста да го сочуваат територијалниот интегритет на државата.

Русија, според него, сака да поттикне политички дијалог и уставен процес.

- Сакаме зоните на ескалација да се претворат во зони на соработка, изјави Путин на прес-конференцијата со австрискиот канцелар Себастијан Курц.

Тој изрази жалење во однос на Источна Гута, поради големиот број екстремистички сили на терен, меѓу кои и терористички организации. Путин додаде дека руски сили успеале да евакуираат од Гута голем број цивили и дека во тоа помогнал турскит претседател Реџеп Тајип Ердоган.

Курц додаде дека политичко решение за Сирија не е близу, но дека е можно преземање меѓучекори, со што ќе се намалат страдањата на цивилите.

- Во овој момент потребни ни се хуманитарни коридори, изјави австрискиот канцелар.