Птиците и пчелите имаат совесност како и луѓето
Луѓето не се единствени суштества кои имаат работна етика и чувствуваат одговроност.
Истражувачите од Калифорнискиот универзитет во Беркли открија дека инсектите, птиците, рептилите, рибите и други животни исто така се одликуваат со совесност.
При прегледување на речиси 4.000 студии за однесувањето на животните, психолозите од Беркли, Мајкл Делгадо и Френк Саловеј, следеле одредени однесувања кај некои животни, како што се вредност, истрајност, внимателност и самодисциплина.
Како и кај луѓето, совесноста кај животните која вклучува трудољубивост, обрнување на внимание на детали и обид да се направи правилната работа, донесува разни предности во ловот и собирањето храна, привлекувањето партнер, размножувањето и во одбрана од напаѓачи.
- Пчелите работници кои ги отстрануваат остатоците од угинатите пчели од своите кошници имаат поголемо потомство, а птиците кои своето гнездо го држат уредно, помалку се подложни на напади, вели Делгадо.
Тој исто така истакнува дека пеењето кај птиците е клучно за успех во парењето.
Кај некои видови птици женката бира мажјак кој изградил најдобро гнездо и тоа на локација која е скриена од напаѓачи.
Некои претходни истражувања утврдиле постоење на отвореност, екстраверзија, пријатност и невротицизам кај животните, но првпат дга се утврдува и постоење на совесност во животинското царство.
Делгадо смета дека причина за тоа е премногу тесно дефинираниот поим за совесност на кој се гледало само како на човекова особина, темелена на емоции, намери и морал.
Ново на Сител
-
Во Прилеп денеска е ден на жалост
-
Ракометарите на Веспрем триумфираа на Светско клупско првенство
-
Дождот добредојден за земјоделството, се препорачува примена на агротехнички и превентивни мерки
-
Почина малолетник во сообраќајна несреќа на патот Куманово - Крива Паланка
-
Влада: Приоритет е подобрувањето на здравствениот систем, здравствената заштита, услугите за пациентите
-
Раководството на Реал Мадрид незадоволно од настапите на тимот
-
Вавринка со историско достигнување
-
В недела локални избори во Босна и Херцеговина