Првиот спуст за Вон

Американката Линдзи Вон победи на првата спуст трка во новата сезона која се одржа во канадскиот Лејк Луиз.

 

Вон до 16-та победа во Лејк Луиз, вкупно 68-ма во кариерата, стигна со време од 1:50.50 минути. На второто место се пласира Австријката Корнелија Хитер, а трета заврши нејзината сонародничка Рамона Зибенхофер.

 

Американката ги пропушти воведните трки во техничките дисциплини, со кои започна Светскиот куп, а до победата стигна на спектакуларен начин откако грешките кои ги направи во првиот дел од патеката успеа да ги надополни во вториот.

 

Во генералниот пласман во Светскиот куп води Микаела Шигрин со 280 бодови, 85 повеќе од Фрида Хансдотер, додека Лара Гут има 190 бодови.