Прва МФЛ Вардар лесно против Ренова

Фудбалерите на Вардар со одлична игра во вториот дел забележаа лесна победа од 2-0 против Ренова во 34. коло од домашното првенство.

По слабото прво полувреме во кое не видовме ниту една шанса на обете страни Седлоски во игра ги внесе Спировски и Балотели и црвено-црните со сите сили го нападнаа голот на одличниот Хаџо. Барсегјан прв постигна погодок во соло акција во 54-тата минута а 10 минути подоцна 11-тиот погодок за Вардар во годинешното првенство го постигна Бразилецот Балотели за 2-0.

Вардар имаше уште шанси преку Балотели, Блажевски и Барсегјан но Хаџо успеа да одбрани и да спаси поубедлив пораз.