Против „јазлеста кожа“ вакцинирани 80.000 говеда
Болеста „јазлеста кожа“ нема значително да се одрази врз млечната индустрија зашто најпрво ги зафати говедата на пасиштата кои се одгледуваат за месо, а потоа се спушти во шталите, велат од Агенцијата за храна и ветеринарство (АХВ).
Како што изјави денеска државниот советник во АХВ Светлана Колариќ, млекото и млечните производи може слободно да се консумираат, а нема пречки и за откуп од здрав добиток. За месото е битно, грлата да не се носат во кланица најмалку седум дена од вакцинирањето зашто толку трае периодот на каренца.
Според Колариќ, досега против „јазлеста кожа“ се вакцинирани 80.000 говеда, а процесот продолжува се додека не бидат опфатени сите 225.000 грла во државата.
- Вакцинацијата е целосно завршена во југоисточниот регион кој беше најкритичен зашто таму се појавија првите жаришта. Во тек е вакцинацијата во Скопје, Тетово, и ќе продолжи се додека не биде покриена целата територија на Македонија. Целта е превенција и целосно сузбивање на болеста иако никој не може да го ограничи нејзиното ширење зашто се пренесува лесно, преку муви и комарци, а кон тоа дополнително придонесуваат и временските услови, како и климатските промени, истакна Колариќ.
Болеста е проширена и во Србија, а согласно експертските проценки, до крајот на годината се очекува да биде зафатена и Средна Европа. Колариќ уште еднаш напомена дека станува збор за незаразна болест, која не се пренесува на луѓето.
Ново на Сител
-
Приведени две лица во Чашка за поткуп при избори
-
Приведени две лица поради основи на сомнение за поткуп при избори во Чашка
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи