Протестни колони студенти и средношколци низ улиците на Нов Белград, приведени пратеници кои го блокираа автопатот кај Нови Сад

Две големи протестни колони студенти, граѓани и средношколци се сретнаа на Бранков мост околу 13 часот, а потоа заедно тргнаа на прошетка низ улиците на Нов Белград.

Голем транспарент со натпис „Од двете страни на реката“, носен од студентите кои претходно го блокираа сообраќајот пред српската Влада, беше додаден на транспарентот „Градот е наш“ кога се сретнаа двете колони, што го носеа учесниците во колоната што беше дојдена од правец на Земун и Нов Белград, главно средношколци.

Учесниците во колоната повремено скандираат „Генерален штрајк“ за време на протестната прошетка низ Нов Белград.

Неколку опозициски пратеници и советници, пак, кои денеска го блокираа автопатот кај Нови Сад беа приведени во полициски автомобили и однесени на „итна постапка“, објави на социјалните мрежи заменик-претседателката на Партијата за слобода и правда, Мариника Тепиќ.

„Не разделија. Со полициско возило по итна судска постапка ги носат нашите покраински пратеници и советници и колеги Милан Васиљевиќ, Владимир Вршајков, Дејан Чортан, Дејан Врсајков – за сообраќаен прекршок. И покраинската пратеничка Мара Пушкаш е во одвоено полициско возило зад мене“, напиша Тепиќ.